羅密歐與祝英台丨Copy落力演出獲封為新一代笑匠　林景程演活多個角色有觀眾緣

TVB劇《羅密歐與祝英台》的Copy（林景程飾）十分突出，喜感滿滿的林景程獲觀眾大讚是新一代的笑匠。

參加《超級巨聲》入行的林景程近接拍過多套劇集，近年有不少精彩演出，令觀眾留下淨刻印象。

【明星置業】林景程獲爸爸助圓上車夢　King無以為報：要慢慢還

▼點擊圖片放大

+8

+7

演Copy放笑彈

林景程於《羅密歐與祝英台》飾演萬事通（陳豪飾）好友Copy，昨晚（7日）以一身土豪造型示人的他牙刷刷登場，加上鬼馬的表情及動作向觀眾大放笑彈，深得不少觀眾愛戴。

他跟TOPick說：「今次造型全部都係劇組同美指嘅心血，好鐘意Copy呢種不修邊幅得嚟又格硬好似想襯過晒先出街既Feel，好隨意自在嘅感覺，同自己本身性格真係好相似。

【萬千星輝頒獎典禮2022】演《下流上車族》好評多角逐男配+男飛躍　林景程身兼兩職犧牲休息追夢

▼點擊圖片放大

+7

+6

Copy與Hana的感情線

林景程認為今次拍劇中最大的挑戰是需要不停思考跟Hana有甚麼互動之處，「每一場都問自己，Hana有冇參與既空間呢？做啲咩好呢？講對白時放佢喺身邊攬住？一路幫佢梳頭？按摩？餵佢食野？幫佢化妝？幫佢影相？因為同Hana一齊既場口真係好少，又唔想浪費咗Copy同Hana呢個設定，所以一有機會就盡量諗。諗到頭都爆，等Hana都有啲戲做嘛。」

他透露：「Hana係劇組特登買返嚟嘅，佢有個大問題就係身材真係好好，好到有時拍完場戲都會發現Hana『走光』，肯定過唔到電視尺度嘅果種。咁為咗保護Hana，唯有幫佢周身黐膠紙，黐到後尾啲膠紙溶溶地，搞到Hana周身都黐立立咁。」

▲ 林景程分享花絮照。（IG圖片）

此外，林景程續指：「有場拍咗要抱佢行過去廁所，Hana大大話話都有幾十磅重嘅，抱住佢做戲都好花氣力，要演到好Enjoy好有愛得嚟又唔覺佢重咁款，NG咗好多次。」

為配合劇集宣傳，他亦十分「勤力」，不時更新IG分享花絮照，吸引不少觀眾討論。

最新影片推介：陳茵媺專訪

林景程雙線發展

2009年，林景程參加《超級巨聲》後入行，接拍過《On Call 36小時》、《三個女人一個「因」》、《是咁的，法官閣下》、《殺手》、《香港愛情故事》、《下流上車族》及《羅密歐與祝英台》等影視作品，愈來愈受觀眾歡迎。

為了維持生計，林景程除了當演員外也兼職當物理治療師，雙線發展的他不怕辛苦努力做好每個工作。他曾向TOPick表示：「時間上許可的話會盡量遷就，暫時兩樣也不想放棄，盡力做。」

他分享近況：「呢排忙緊《反黑英雄》嘅拍攝，角色同Copy完全唔同，又係另一種嘗試。」

期待林景程未來的新作品！

記者：梁樂欣

精彩獎賞活動等您發掘：https://bit.ly/3ClEy1R